صناعة قوالب الكاكاو باستخدام الطباعة ثلاثية الأبعاد

Posted by Abdullah on 05 Mar 2016
من الشهر الي فات بدأنا بالعمل على مشروع و قررنا أن يكون في كل شهر مشروع جديد نعمل عليه باستخدام الطابعة ثلاثية الأبعاد. مشريع شهر أكتوبر كان في مجال الغذاء و هو صناعة قوالب للكاكاو
أول خطوه كانت أن اشتري سلكون يمكن استخدامه مع الأكل. بحثت بالكويت و مالقيت مكان يبيع فطلبت من النت من شركة سموذ-أون. بعد ما طلبت من النت لقيت الحرفي. الحرفي محل في الري و عنده شغلات وايد حق الحرفيين و يبيعون سلكون يمكن استخدامه مع الأكل و ايسون ورش عمل هذا حسابهم بأنستقرام الحرفي
بس وصل السلكون بلشت بالبحث عن أشكال أطبعها و طبعت الشكل الي في الصوره البرج الأبيض. من الأشياء الزينه و الحلوه بالسلكون إنه ما يلصق بأيماده إلا السلكون و هذا الشئ يساعدك عند الأستخدام
الحين راح اتكلم عن الخطوات الي اتبعتها لصناعة القالب
الخطوه الأولى طباعة الشكل المطلوب من الطابعة ثلاثية الأبعاد
الخطوه الثانيه تزهيب كنتينر الي راح ينصب فيه السلكون، طبعا هذا الكنتينر راح يحتوي الشكل المطبوع داخله. أنا استخدمت كوب ورقي ككنتينر للبرج الأبيض لأنه سهل أني أطلع السلكون منه
الخطوه الثالثه خلط السلكون و صبه بالكنتينر. كل نوع سلكون له وقت عمل و وقت علما ينشف. السلكون الي استخدمته ياخذ أربع ساعات علما ينشف. بعد ما ينشف السلكون انطلعه من الكنتينر و انطلع الشكل من السلكون. و الحين القالب زاهب للاستخدام
الخطوه الرابعه صب الكاكاو أو اي ماده ثانية في القالب. هذه بعض تجارب الكاكاو و الثلج